“Сосновый бор” (Бэс чагда)оҕо сынньанар уонна чэбдигирэр Киинин үлэһиттэрэ Саха сирин бары олохтоохторугар, үөрэҕирии үлэһиттэригэр, төрөппүттэргэ ЫҤЫРЫЫЛАРА

Биhиги, “Сосновый бор” (Бэс чагда) оҕо сынньанар уонна чэбдигирэр Киинин үлэһиттэрэ Саха сирин бары олохтоохторун, үөрэҕирии үлэһиттэрин, төрөппүттэрин ытыктыыр Ил Дархаммыт Егор Афанасьевич БОРИСОВ Саха Өрөспүүбүлүкэтин салайааччытын дуоhунаhын быыбарыгар бэйэтин кандидатуратын туруоран киирсэрин биир санаанан өйүүргүтүгэр дириҥник эрэнэн туран ыңырабыт.

Кэнники түөрт сылга Саха Өрөспүүбүлүкэтин сайдыытыгар Егор Афанасьевич киэҥ билиитинэн, бэйэтин сахалыы мындыр өйүнэн сатабыллаахтык салайан кэллэ диэн сыаналыыбыт. Ол курдук, үөрэҕирии салаатыгар сайдыы суолунан элбэх киэҥ хардыылар оҥоһулуннулар, саҥа таас оскуолалар, атын үөрэҕирии тэрилтэлэрин, култуура кииннэрин, доруобуйа харыстабылын, тыа хаһаайыстыбатын, социальнай хайысхалаах тэрилтэлэр саҥа уонна аныгылыы саҥардыллыбыт дьиэлэрэ үлэҕэ киириилэрэ түргэн тэтиминэн ыытыллар буолбута киһи хараҕар быраҕыллар гына үксээбитэ дьэҥкэтик көстөр. Маны таһынан, өрөспүүбүлүкэ оҕолоро, ыччаттара Аан дойду, киэҥ Россия үөрэххэ, өркөн өйгө, култуураҕа, спортка сыһыаннаах араас күрэхтэригэр, атын омуктартан харыс да хаалсыбакка, тэбис-тэҥҥэ киирсэн, кыайыы-хотуу үктэллэнэн кэлиилэрэ элбээбитэ барыбытын олус үөрдэр. Бу барыта өрөспүүбүлүкэ салалтата күннээҕи өйөбүлүгэр, үтүө көмөтүгэр, ийэлии-аҕалыы сылаас сыһыаныгартирэнэн ситиһиллибитэ өйдөнөр уонна төрөөбүт Сахабыт сирин бары оҕолоро, ыччаттара инникигэ эрэллээх, туохтан да чаҕыйбат булгуруйбат санаалаахсаҥа үрдэллэргэ тахсалларыгар бары кыахтар баалларын туоһулууллар.

Саха оҕото, саха ыччата Аан дойду таһымыгар, “глобализация” үйэтигэр сөп түбэһэр үөрэхтээх-билиилээх, үрдүк култууралаах буолуутугар Егор Афанасьевич күннэтэ ахсаабат кыһамньытын ууран үлэлиирин биир чаҕылхай туоһутунан, кини тус бэйэтин тэрийиитинэн, өйөбүлүнэн, биһиги тэрилтэбит базатыгар Норуоттар Икки Ардыларынааҕы Арктическай Оскуоланы (Международная Арктическая Школа) 2016 сылга арыйыы буолар. Маннык хабааннаах оскуолалар Аан дойдуга, урукку Союз судаарыстыбаларыгар, Россияҕа аһыллан күн бүгүн үлэлииллэр уонна киһи-аймах сарсыҥҥы саргылаах сайдыытын түстэһэр кэнчээри ыччаты иитиигэ-үөрэтиигэ бэйэлэрин сүҥкэн кылааттарын киллэрэллэр. Биһиэхэ арыллыахтаахНоруоттар Икки Ардыларынааҕы Арктическай Оскуола эмиэ кинилэр таһымнарынан уонна үөрэхтэрин программаларынан үлэлиэхтээх. Атыннык эттэххэ, республика араас муннуктарыттан, ол иһигэр Арктика эргимтэтигэр сытар улуустартан, Россия хотугу эргимтэҕэ сытар, Сибиир уоннаУһук Илин регионнарыттан үөрэххэ уһулуччу тардыһыылаах, араас талааннаах оҕолоро сүүмэрдэнэн кэлэн үөрэнэр, иитиллэр кыһалара буолуохтаах. Ирдэбил быһыытынан, 5-11 кылаастарга иитии-үөрэтии сүрүн предметтэргэ омук тылынан барыахтаах, маны таһынан, бу оскуолаҕа IB (норуоттар икки ардыларынааҕы Бакалавриат) ирдэбилинэн, оскуола кэнниттэн идэҕэ туһаайыы ыытыллыахтаах. Биир тылынан, оскуоланы бүтэрэр ыччат норуоттар икки ардыларынааҕы (международнай) ситии-хотуу аттестатын уонна норуоттар икки ардыларынааҕы Бакалавриат дипломун ылыахтаах. Итинэн, саха ыччата Аан дойду таһымыгар сөп түбэһэр үөрэхтээх, киэҥ билиилээх-көрүүлээх, үрдүк култууралаах буолуутугар дьоһуннаах хардыы оҥоһуллуохтаах. Күн бүгүн манна туһуламмыт тэрээһин уонна бэлэмнэнии үлэлэрэ киэҥ ис хоһоонноохтук ыытыллаллар. Ол курдук, оскуола саҥа дьиэтин тутуутун бырайыактыыр-чинчийэр үлэлэрэ түмүктэннилэр, Киин кэлэктиибэ Тутулуга Суох Судаарыстыбалар Норуоттар Икки Ардыларынааҕы Арктическай Оскуолаларын Ассоциациятын(Ассоциация школ Международного Бакалавриата стран СНГ) дьиҥнээх кыттыылааҕын туоһулуур туоһу суругун (сертификатын) ылары ситистэ.

Бу инникигэ, үйэлээххэ, сырдыкка-кэрэҕэ туһуламмыт сүдү бырайыагы олоххо киллэриигэ толору эппиэттиир киһинэн биһиги Егор Афанасьевич БОРИСОВЫ көрөбүт уонна саҕалаабыт дьыаланы тиһэҕэр тиэрдэр кыахтаах салайааччы, политик буолар диэн биhиги киниэхэ бары эркин курдук эрэнэбит.

Кэнники сылларга чахчы да төрөөбүт норуотун билиниитинэн, дириҥ ытыктабылынан туһанар, бары өттүнэн кыахтаах салайааччыны, Аан дойдуга билиниини, киэҥ сэҥээриини ылбыт күүстээх политигы Егор Афанасьевиһы буолаары турар быыбардарга өйүөҕүҥ диэн Саха сирин бары олохтоохторун, үлэhит дьонун, ытык кырдьаҕастарбытын, үөрэҕирии үлэһиттэрин, төрөппүттэри уонна ыччаттары ыҥырабыт!

Ыҥырыы “Сосновый бор” (Бэс чагда) оҕо сынньанар уонна

чэбдигирэр Киинин үлэһиттэрин уопсай мунньаҕынан ылынылынна.

Дьокуускай к., 2014 сыл муус устар 28 күнэ

Яндекс.Метрика
Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять