Үөрүү аргыстаах кэрэ-бэлиэ биэчэр.

   IMG_1872 Бэҕэһээ бороҥуй кыһыҥҥы киэһээ «Сосновый бор»үчүгэйкээн музыкальнай һаалатыгар «ЛИТЕРАТУРНЫЕ ПОДМОСТКИ. ОДА ДУШИ» диэн өйдөбүллээх мероприятие сүрдээх бэртээхэйдик буолан ааста. Биһиги аан маҥнай сыанаҕа тахсан уһун үлүгэрдик бэлэмнэммит постановкабытын көрдөрөөрү баҕа баһаан этэ даҕаны, иккис тахсар кырата суох чиэскэ түбэспиппит.

     3-үс академия “Золушка” уонна “Белоснежка” диэн биллэр нуучча остуоруйаларын холбоон көрдөрбуттэрэ. Сэргээн, сэҥээрэн дуоһуйуу бүтүнэ буоллубут. Бу постановка дьиҥ кэпсээнин ис-хоһоонугар майгынныыр этэ, атын академиялар уларытан эбэтэр аныгы кэм матыыбыгар кубулутан көрдөрбүттэрэ, биһиги даҕаны уларыппыт түгэннэрдээх этибит.  Хайыы-үйэ биһиги бириэмэбит тирээн кэлэн сыанаҕа ыстаммыппыт, барыта этэҥҥэ ааһан уөрүү аргыстанан атын командалары сыаналыырга сананныбыт.IMG_1875
     Биьиги кэннибититтэн 4-үс академия «Маайыс уонна Ньукуус» диэн Амма Аччыгыйа – улуу суруйааччы кэпсээниттэн быһа тардыыны көрдөрбүттэрэ. Аан маҥнайгыттан сүрдээх улахан бэлэмнэнии барбыта биллэр этэ, таҥастара-саптара үчүгэйэ киһи хараҕын маанылыыра.IMG_1866

IMG_1868
     5-ис академиялар «КЭҔЭ» диэн кэпсээни көрдөрбүттэрэ, наһаа даҕаны учугэйдик оруолу биэрэр , талааннах оҕолор бааллар эбит диэн сөҕө көрдүбүт.

IMG_1862

IMG_1859
    7-ис академиялар өр буолбакка тута «БИЭС ЫНАХТААХ БЭЙБЭРИКЭЭН ЭМЭЭХСИН» диэн саха остуоруйатын эмиэ аныгылыы матыыптаан көрдөрбүттэрэ. Наһаа көрүдьүөс, бэһиэлэй этэ.
   Түмүк тахсыар диэри долгуйан миэстэбитин кыайан булбакка, олорор олбохпутун көрбөккө сылдьыбыппыт . Маҥнай бочуоттаах 3-үс миэстэни биллэрбиттэрэ, “бронза мэтээли” 7-ис академия сүүйбүтэ. Биһиги долгуйуубут өссө хойдон биэрбитэ быһылааҕа. Онтон үөрүүлээх 2-ис миэстэни биһиэхэ анаабыттарыгар көтүөхпүтүн кынаппыт эрэ суох этэ, биһиги саҕа дьоллоох дьон бүтүн Аан дойду үрдүгэр суоҕугар дылы этэ. 3-c академия литературнай күрэх кыайылаахтарынан ааттаммыттара. Бары кыайыылаахтарга эҕэрдэ тылбытын тиэрдэбит, кыттыбыт командаларга махтанабыт.
   Биьиги олус кыһаллан сыра бөҕөннөн бэлэмнэммит түмүкпүт тахсан үчүгэй миэстэҕэ тиксэн уордубут.

Сандаара Федулова, Карина Неустроева,
Марина Кирсанова 1 академия

Яндекс.Метрика