Эһиэхэ мин бэлэхтиэм этэ…

“Сосновый бор” оҕо сынньанар, сайдар киинин үлэһиттэригэр махтанан туран сахалыы санаабар этэбин, “Ийэ тылым барахсан” диэн 2000 сыллаахха суруйбут хоһооммун эһиэхэ үтүөнү, кэрэни санааммын бэлэх уунабын.

 

Ийэ тылым барахсан

Илбиһийэн турдаххына,

Саҥарбаты саҥардаҕын,

Эппэтэҕи этитэҕин.

Ийэ сылаас тыынын

Иҥэринэр кэмнэрбэр

Ийэ тылым барахсан

Өлбөт мэҥэ эн буолтуҥ

Сайдар үүнэр саастарбар,

Саарбахалыыр кэмнэрбэр

Сырдык ыра буолаҥҥын,

Суолбун ыйбыт эн баарын.

Өйүм – санаам түмүллэн

Өрөгөйдүүр күннэрбэр

Өйбүн – күүспүн сааһылаан,

Өйүүр – тутар эн баарын.

Кэри-куру буоламмын,

Кэхтэр-мөлтүүр кэмнэрбэр

Эрэл күүһүн үөскэтэр

Ийэ тылым сылааһа.

Бу сынньанар, сайдар кииҥҥэ үлэҕэ, дьоҥҥо сыһыан үчүгэйдик олохтоммут буолан киһи астына санньанар сирэ буолбут, инники кэскилэ улахан.

Онно улахан оруолу салайааччылар сатабыллара, ирдэбиллэрэ ылар эбит. Ол иһин Яна Николаевнаҕа, Евдокия Васильевнаҕа биһиги бары барҕа махталбытын тиэрдэбит.

Хаһыс да сылын көрсүһэн, санньанан, сэһэргэһэн кэлбит педогагическай үлэ бэтэрээннэрин уонна оскуола иннинээҕи саастаах кырачааннары иитиигэ, үөрэтиигэ сыраларын биэрбит өр сылларга үөрэх министерстватыгар бииргэ үлэлээбит Диана Гаврильевнаҕа, Апреля Афанасьевнаҕа, Галина Афанасьевнаҕа, Елизавета Федоровнаҕа истиҥ эҕэрдэ, чэгиэн-чэбдик буолуҥ!

Ытыктыыр, сүгүрүйэр доҕорбор Варвара Сергеевнаҕа алгыспын аныыбын уонна маннык хоһоонунан бары бэтэрээннэргэ санаабын этэбин!

Эһиэхэ мин бэлэхтиэм этэ

 

Эһиэхэ мин бэлэхтиэм этэ

Ааспыты ахтыһар күннэри,

Өйдөбүл үчүгэй кэмнэрин.

Эһиэхэ мин бэлэхитиэм этэ

Кырдьар саас чуумпутун, эйэтин.

Эһиэхэ мин бэлэхтиэм этэ

Уһуннук олорор олоххут

Ыччаккыт салҕыахтаах кэмнэрин.

Эһиэхэ мин бэлэхтиэм этэ

Үтүөкэн ааккытын санатан

Ыччаккыт ситиһэр суолларын.

Кириллина (Федорова) Екатерина Николаевна,

ветеран труда и тыла, Дети войны, отличник просвещения РСФСР, СССР, Заслуженный работник образования.

Яндекс.Метрика